काठमाण्डौं । बजार अनुगमनबारे सचिवहरु र सुरक्षा निकायका प्रमुखहरुलाई संयुक्तरुपमा निर्देशन दिँदै आज प्रधानमन्त्री पुष्पकमल दाहाल ‘प्रचण्ड’ले म्याद नाघेका बस्तुहरु उपभोक्तालाई बिक्री गरेको पाइए जफत गरेर रत्नपार्कमा जलाउन निर्देशन दिएका छन् ।
गलत काम गरे राज्यले छाड्दैन भन्ने सन्देश दिन जरुरी रहेको भन्दै प्रधानमन्त्री प्रचण्डले तत्काल जनतालाई राहत महसुस हुने गरी काम गर्न निर्देशन दिएका छन् । विगतमा गुँदपाक भण्डारमा गरेको कारबाहीले देशभर तरंग ल्याएको भन्दै उनले अहिले पनि त्यसरी नै काम गर्नु पर्नेमा जोड दिएका छन् ।
३१ साउन २०७३, ५।००
वि.सं.२०७३ साउन ३१ सोमवार १७:२१ मा प्रकाशित
