काठमाण्डौं । प्राईम बैंकले तीन बराबर एक अर्थात ३ः१ को अनुपातमा हकप्रद सेयर निष्काशन गरेको छ । बैंकले एक अर्ब २३ करोड ५० लाख रुपैयाँ बराबरको १ करोड २३ लाख ५० हजार ८ सय ७४ कित्ता हकप्रद सेयर जारी गरेको हो ।
बैंकको हकप्रदमा आगामी असोज १६ गतेसम्म आवेदन दिन सकिनेछ । बैंकले चुक्तापूँजी बढाउने योजना अनुरुप ३३.३ प्रतिशत हकप्रद सेयर जारी गरेको हो। हाल बैंकको चुक्ता पूँजी ३ अर्ब ७० करोड रुपैयाँ रहेको छ । हकप्रद पश्चात बैंकको चुक्तापूँजी चार अर्ब ९४ करोड पुग्नेछ । बैंकको जगेडाकोषमा १ अर्ब ७५ करोड रुपैयाँ रहेको छ । श्रावण १८ गते सम्म कायम बैंकका सेयरधनीले हकप्रदका लागि भदौं १२ गतेदेखि असोज १६ गतेसम्म आवेदन गर्न सक्नेछन् ।
बैंकको सेयर निष्काशन तथा बिक्री प्रबन्धकमा सिभिल क्यापिटल रहेको छ । लगानीकर्ताले सिभिल क्यापिटल र बैंकका सबै शाखाहरु मर्फत आवेदन दिन पाउनेछन् ।
१२ भदौ २०७३, १०।००
वि.सं.२०७३ भदौ १२ आइतवार ११:३७ मा प्रकाशित