काठमाण्डौं । यो साताको पहिलो दिन सेयर बजार १७.६१ अंकले बढेको छ भने कारोबार रकममा पनि उल्लेख्य सुधार आएको छ । आज बजार १७५८ अंकसम्म पुगेको थियो । पछि बृद्धिमा केही कमी आएर १७४८ अंकमा बन्द भएको छ ।
आज सेयर बजारमा दिनभरीमा १४१ कम्पनीका एक अर्ब ३५ करोड ९१ लाख रुपैयाँको कारोबार भएको छ । आज बैंकिङ २३.७८, विकास बैंक १०.६८, फाइनान्स १५.३४, बिमा ५७.२६, उत्पादनमूलक ८ र अन्य दुई अंकले बढेको छ । आज बजारमा सबैभन्दा बढी लुम्बिनी इन्स्योरेन्सको १४ करोड, एनआइसी एसियाको ११ करोड र स्ट्यान्डर्ड चार्टर्डको १० करोड ५४ लाख रुपैयाँको सेयर किनबेच भएको छ ।
त्यस्तै, युनाइटेड इन्स्योरेन्सको सेयर मूल्य १० प्रतिशतले बढेको छ । हिमालयन जनरल र साइन रेसुङ्गा डेभलपमेन्ट बैंकको सेयर मूल्य पनि १० प्रतिशत हाराहारीले बढेको छ ।
१२ भदौ २०७३, ३।००
वि.सं.२०७३ भदौ १२ आइतवार १५:४७ मा प्रकाशित