काठमाण्डौं । अबदेखि पासपोर्ट हराएमा पत्रपत्रिकामा सुचना प्रकाशित गर्न नपर्ने भएको छ । साथै हराएको एमआरपी बनाउनका लागि पुलिस रिपोर्ट समेत नचाहिने र एकै दिनमा राहदानी पाइने राहदानी विभागले जनाएकोछ । यसका लागि पासपोर्ट हराएको एउटा निवेदन मात्र दिए पुग्नेछ ।
एमआरपी हराएमा सम्बन्धित जिल्ला प्रशासन कार्यालय वा राहदानी विभागमा जानकारी गराउनु पर्ने हुन्छ । उक्त सुचनालाई विभागले नै प्रहरीलाई जानकारी गराउने छ । यस अघि एमआरपी बनाउनका लागि १५÷२० दिनभन्दा बढी समय लाग्दै आएकोमा अव एक दिनमै पाउने भएका छन् ।
कुनै व्यक्तिले एमआरपी हराएको सुचना विहान दिएमा उसले बेलुकासम्ममा प्राप्त गर्ने छ । यस अघि एमआरपी हराएको सुचना प्रत्रपत्रिकामा छापेको ७ दिनपछि मात्र पुलिस रिपोर्ट बनाउन पाइन्थ्यो ।
२८ भदौ २०७३, ८।००
वि.सं.२०७३ भदौ २८ मंगलवार ०७:५४ मा प्रकाशित