भारत पाकिस्तानबिचको कश्मिरको सीमा रेखामा फेरि गोलि हानाहान भएको छ । आइतबार भएको घटनामा दुबैतर्फका गरी तीनजनाको ज्यान गएको भारतीय सञ्चार माध्यमले जनाएको छ ।
भारतीय पक्षले गोली हानाहानमा आफ्ना एक सेना मारिएको दाबी गरेको छ भने पाकिस्तानले एकजना बच्चा र अर्का एकको ज्यान गएको दाबी गरेको छ । भारतीय सीमा सुरक्षा बलले आफ्ना एक सेना घाइते भएको बताएको छ ।
दुबै पक्षले गोलाबारी सुरु गरेको आरोप एक अर्कालाई लगाएका छन् ।
भारतीय सीमा सुरक्षा बल एसएसबीले पाकिस्तानी सुरक्षा फौजले सीमा क्षेत्र कश्मिर र जम्मुका १३ चौकीलाई निशाना बनाई आक्रमण गरेको आरोप लगाएको छ । पाकिस्तानले पनि भारतीय सुरक्षा फौजले रातभर फायरिङ गरेको आरोप लगाएको छ ।
प्रकाशित मितिः २०७३ कार्तिक ८
वि.सं.२०७३ कात्तिक ८ सोमवार १८:१३ मा प्रकाशित
