हरिशरण न्यौपाने
काठकाडौँ । विभिन्न कारणले राकिएको टे«किङ एजेन्सिज् एसोसियसन अफ नेपाल (टान) ले पर्यटन बोर्डबाट पाउनु पर्ने ट्रेकिङ इन्फरमेसन म्यानेजमेन्ट सिष्टम (टिम्स) बापत रकमको समाधान गर्न पर्यटनबोर्डले पाँच सदसिय कमिटी गठन गरेको छ ।
अघिल्लो कार्यसमितिको वेरुजुका कारण टान र बोर्डको संयुक्त कोषमा भएको रकम अड्किँदा टानले सञ्चालन गर्दै आएका विभिन्न परियोजना समेत निष्किृय अवस्थामा पुगेको छ । समस्या पहिचान र समाधानका निम्ति बोर्ड सदस्य कृष्णकुमार अर्यालको संयोजकत्वमा पाँच सदसिय कमिटी गठन गरिएको नेपाल पर्यटन बोर्डले जनाएको छ । कमिटीमा बोर्ड सदस्य पूर्ण कुँवर, टानका अध्यक्ष चन्द्रप्रसाद रिजाल, पर्यटन बोर्डका प्रमुख कार्यकारी अधिकृत दिपकराज जोशी र बोर्डका एक प्रतिनिधी रहनेछन् ।
टानका विगतको कार्यसमितिले राजस्वको रकम अवैध शिर्षकमा खर्च गर्ने र स्पष्ट हिसाव बुझाउन नसकेका कारण बोर्डले टिम्सको रकम रोकेको थियो । कमिटीले अब आउँदा दिनमा विगतमा भएका केहि कमजोरीलाई खोट्याउँदै त्यसलाई बोर्डमा जानकारी गराउने र आउँदा दिनमा सुमधुर सम्बन्ध बनाउँदै टान र पर्यटन बोर्डको बीचमा टिम्सलाई कार्यान्वयन गर्न सघाउ पुग्ने टानका अध्यक्ष रिजाल बताउँछन् ।
कमिटीले समस्या साधानकै निम्ति संयुक्त कोष चलाउन पनि निर्देशन गरेको छ । कमिटीको पहिलो बैठकले सो कुरा निर्देश गर्दै केहि दिनमा टिम्सको सम्पूर्ण कुरा छर्लङग बुझ्ने र बाहिर ल्याउने तयारी थालेको छ ।
कार्यान्वयनको पाटोमा पर्यटन बोर्ड, त्यहाँको व्यवस्थापकिय कमिटी वा व्यवस्थापन कार्यकारी प्रमुखले सहज ढंगले अगाडि बढाउनुभयो भने टान र पर्यटन बोर्ड बीचको आजसम्म भएका सम्झौतालाई नयाँ ढंगले अगाडि बढाउने बाटो खुल्ला भएको अध्यक्ष रिजालले बताए । समितिले विगतका सम्झौता पुनरावलोकन गरी नयाँ बनाउने, खर्च गर्ने कार्यविधी परिमार्जन गर्ने लगायतको काम गर्नेछ ।
टिम्सबाट जम्मा भएको संयुक्त कोषमा करिब १४ करोड, टानले बार्डबाट पाउनुपर्ने ७ करोडभन्दा बढि रकम र मजदुरको नामकाा पैसा गरेर करिब २० देखि २२ करोड रकम रोकिएको थियो । सो रकम पर्यटन बोर्ड र टान मिलेर खर्च गर्नु पर्ने रकम हो ।
प्रकाशित मितिः २०७३ कार्तिक २५
वि.सं.२०७३ कात्तिक २५ बिहीवार १२:३८ मा प्रकाशित
