काठमाडौं । ग्लोबल आइएमई बैंकले सिन्धुपाल्चोकको टेकनपुर गाविसमा शाखारहित बैकिङ संचालनमा ल्याएको छ । सक्षम एक्सेस टु फाइनान्स कार्यक्रमको सहकार्यमा बैंकले यो शाखारहित बैंकिङ संचालनमा ल्याएको हो ।
बैंकले स्थानीय भुपेन्द्र श्रेष्ठलाई व्यवसायिक प्रतिनिधि नियुक्त गरेको छ । ग्लोबल बैंकका बजार व्यवस्थापन एवं व्यवसाय प्रवद्र्धन प्रमुख प्रशन्न बाँस्कोटाले यो सेवाको उद्घाटन गरे । शाखारहित बैंकिङ सेवा संचालनमा आएको क्षेत्र भूकम्पबाट प्रभावित क्षेत्र हो । बैंकले बचत गर्ने बानीको विकास गराउँदै आधारभूत बैकिङ सेवा दिने दावी गरेको छ ।
१६ माघ २०७२
वि.सं.२०७२ माघ १६ शनिवार ११:४१ मा प्रकाशित
