काठमाण्डौं । नेपाल इन्भेष्टमेन्ट बैंकको सहायक कम्पनी एनआइबिएल क्यापिटल मार्केटले सेयर बजारमा लगानी गर्ने मुख्य योजना सहित ६० करोड रुपैयाँ बराबरको दोस्रो सामुहिक लगानीकोषका इकाइरु सर्वसाधरणमा बिक्रीका लागि आह्वानपत्र जारी गरेको छ ।
एनआइबिएल प्रगति फन्डको मंसिर १६ गतेबाट बिक्री खुला गरिने क्यापिटलले जनाएको छ । कम्पनीले दश रुपैयाँ अंकित दरका ६० करोड रुपैयाँ बराबरको ६ करोड इकाइ निष्कासन गर्न लागेको हो ।
यसमा लगानीकर्ताले छिटोमा मंसिर २० गते र ढिलोमा मंसिर ३० गतेसम्म आवेदन भर्न सक्नेछन् । लगानीकर्ताले न्युनत्म सय कित्ता र अधिकत्म ६० लाख कित्तासम्म आवेदन गर्न पाउने कम्पनीले जनाएको छ ।
कम्पनीले निष्कासन गर्न लागेको ६ करोड इकाइमध्ये दश लाख इकाई बीज पूँजी वापत योजना व्यवस्थापक एनआइबिएल क्यापिटल र कोष प्रवद्धक नेपाल इन्भेष्टमेन्ट बैंकलाई ८० लाख इकाइ छुट्याइएको छ । सर्वसाधारणले ५ करोड १० लाख इकाइका लागि आवेदन दिन पाउनेछन् ।
९ मंसिर २०७३, १०।४५
वि.सं.२०७३ मंसिर ९ बिहीवार १०:४४ मा प्रकाशित
