काठमाडौं । आर्थिक विकास र गरिबी बिरुद्धको लडाईका ज्ञाता भनेर चिनिने अमेरिकन अर्थशास्त्री एवं कोलम्बिया विश्वविद्यालयका प्राध्यापक जेफ्री डी. साच्सले परिवारसहित चन्द्रागिरि हिल्सको अनौपचारिक भ्रमण गरेका छन् । भ्रमणको क्रममा चन्द्रागिरि हिल्सको आगन्तुक पुस्तिकामार्फत शुभकामना ब्यक्तगर्दै चन्द्रागिरिमा निर्माण भएको एकीकृत पर्यटकीय पूर्वाधारबाट आफु अत्यन्तै प्रभावित भएको उल्लेख गरेका छन् । यस्तो अनुपम पर्यटकीय सम्भावना भएको क्षेत्रलाई नेपाललगायत विश्वका पर्यटकहरुको पहुँचमा ल्याउन सफल भएकोमा साच्चले कम्पनीका अध्यक्ष चन्द्रप्रसाद ढकालमार्फत सबैलाई धन्यबाद ज्ञापन गरेका छन् । आगन्तुकपुस्तिकामा हस्ताक्षर गर्दै साच्चले नेपाल र नेपालीको सुःख, शान्ति र समृद्विको कामना व्यक्त गरेका छन् ।
विश्वविख्यात हावर्ड विश्वविधालयमा ३० वर्ष प्राध्यापनको अनुभव संगालेका साच्च संयुक्त राष्ट्र संघ ‘सहस्राब्दी विकास लक्ष्य’ का विशेष सल्लाहकार हुन् । साच्चले संयुक्त राष्ट्र संघका पुर्व महासचिवद्वय कोफी अन्नान र वानकिमुनको कार्यकालमा यो जिम्मेवारी सम्हालेका थिए ।
१९ मंसिर २०७३
वि.सं.२०७३ मंसिर २० सोमवार ०२:०५ मा प्रकाशित
