काठमाण्डौं । आज सोमबार दोहोरो अंकले बजार घट्न पुगेको छ भने कारोबार रकम समेत ५ करोडले कमी भएकोछ । सोमबार १६.४७ अंकले घटेर १५१४.८८ अंकमा पुगेको छ ।
कारोबार आएका सबै समूहका सूचक झरेपछि बजार ओरालो लाग्न पुग्यो । आज बजारमा सबैभन्दा धेरै विमा समूह १०३ अंकले झरेको छ भने वाणिज्य बैंक समूह पनि १८ अंकले ओरालो लागेको छ ।
आज बजारमा १३७ कम्पनीको ६ लाख ८९ हजार कित्ता सेयरहरु ५६ करोड १६ लाख रुपैंयामा किनबेच भएका छन् । आज पनि सबैभन्दा धेरै एभरेष्ट बैंकको १६ करोड ४२ लाख रुपैयाँ बराबरको कारोबार भयो । एभरेष्टको ५० हजार कित्ता सेयर किनबेच भएका छन् ।
४ पुस २०७३, ३।३०
वि.सं.२०७३ पुस ४ सोमवार १५:२१ मा प्रकाशित