काठण्माडौं । नेपाल लाईफ ईन्स्योरेन्सलाई ३० लाख ९६ हजार ४ सय २९ कित्ता थप नयाँ साधारण सेयर अर्थात एफपीओ निश्काशन गर्न धितोपत्र बोर्डले अनुमति दिएको छ । बोर्डले प्रति कित्ता १४२५ रुपैयाँमा एफपीओ निश्काशन गर्न अनुमति दिएको हो ।
कम्पनीको १६ औं बार्षिक साधारण सभाबाट पारित भए बमोजिम संस्थापक र सर्वसाधारण समुहको सेयर स्वामित्व ७०ः३० प्रतिशत कायम गर्नका लागि कम्पनीले एफपिओ जारी गर्न बोर्डमा निवेदन दिएको थियो ।
नेपाल लाईफको चुक्ता पूँजी हाल दुई अर्ब १६ करोड रहेकोमा एफपीओ जारीपछि दुई अर्ब ४७ करोड नाघ्ने छ । उसले एफपीओ वापत संकलन गर्ने प्रिमियम जगेडा कोषमा जाने छ । नेपाल लाइफको धितोपत्र निष्कासन तथा बिक्री प्रवन्धकमा सिद्धार्थ क्यापिटल लिमिटेड रहेको छ ।
१४ पुस २०७३, १२।००
वि.सं.२०७३ पुस १४ बिहीवार १३:५४ मा प्रकाशित
