काठमाण्डौं । नेपाल क्रेडिट एन्ड कमर्स (एनसीसी) बैंकसँग मर्ज भएका अरु चार संस्थाले पुस १७ गते आइतवारदेखि एकीकृत कारोवार गर्ने भएका छन्। एनसीसीसँग इन्फ्रास्ट्रक्चर डेभलपमेन्ट बैंक, सुप्रिम डेभलपमेन्ट बैंक, इन्टरनेशनल डेलपमेन्ट बैंक र एपेक्स डेभलपमेन्ट गाभिएका हुन् । पाँच संस्था मर्ज भएर बनेको एनसिसिलाई एकीकृत कारोवार गर्न नेपाल राष्ट्र बैंक र कम्पनी रजिष्ट्रारको कार्यालयले अनुमति दिएको छ।
पाँच संस्था मर्ज हुँदा सफ्टवेयरबाट वित्तीय कारोवारको व्यवस्था मिलाउनका लागि शुक्रवार र शनिवार दुई दिन पाँच वटै बैंकले प्रदान गर्दै आएका सबै बैंकिङ कारोवार बन्द हुने भएका छन्। यस अन्तर्गत ३६५ दिने बैंकिङ सेवादेखि एटिएम, एसएमएस र इन्टरनेट बैंकिङ सेवा पनि बन्द हुनेछ।
१५ पुस २०७३, ११।००
वि.सं.२०७३ पुस १५ शुक्रवार ११:३२ मा प्रकाशित