काठमाण्डौं । आज कारोबारको साताको अन्तिम दिन सेयर बजार खुलेको डेढ घण्टासम्म माथि जाने क्रममा आठ अंकले सुधारिएको बजार बन्द हुँदा तीन दशमलव ६८ अंकले तल झरेको छ ।
आज बिहीबार १६ खर्ब २८ अर्ब ३८ करोड रुपैंयाको सेयर कारोबार भएकोछ । आज एक सय २८ कम्पनीका १२ लाख १२ हजार चार सय ७४ कित्ता सेयरहरु किनबेच भएका छन् । आज भने हिजोको तुलनामा २ करोड बढीको कारोबार हुँदै कारोबार रकम ३५ करोड रुपैंया पुगेको छ ।
बिहीबार बीमा लगायत होटल, विकास बैंक, जलविद्युत, वाणिज्य बैंक लगायतका सबै सुचकमा गिरावट आएको छ ।
सेयर ब्रोकरहरुको चुनावी अधिवेशन शुक्रबारबाट शुरु हुँदैछ। शनिवारको बन्दसत्रले नयाँ नेतृत्वा चयन गर्ने कार्यक्रम छ । नेतृत्वका लागि माहौल बनाउन ब्रोकरहरु व्यस्त रहेकाले पनि कारोबारमा असर परेको बताइएकोछ ।
२१ पुस २०७३, ३।४५
वि.सं.२०७३ पुस २१ बिहीवार १५:४० मा प्रकाशित