काठमाण्डौं । माछापुछ्रे बैंकको बैंक संचालक समितिले गत मंसिर १९ गतेदेखि खुला गरेको हकप्रद भर्ने समय एक हप्ता लम्ब्याएकोछ । बैंकले पुस २४ गते आईतबार अर्थात् आज सम्मका लागि हकप्रद भर्ने अन्तिम मिति तोकेकोमा अब माघ २ गतेसम्म आवेदन बुझाउन सकिने भएकोछ ।
यो अवधिका लागि बैंकले एक सय रुपैयाँ दरको १ करोड ९३ लाख २२ हजार ७ सय कित्ता हकप्रदको विक्री खुला गरेको हो । बैंकले कात्तिक ११ गतेसम्म सेयर किन्ने सेयरधनीलाई ५० प्रतिशत अर्थात दुई बराबर एक कित्ता हकप्रद सेयर जारी गरेको हो ।
बैंकको सेयर बिक्रि प्रबन्धक सिभिल क्यापिटल मार्केट लिमिटेड रहेको छ । बैंकको हकप्रद सेयर खरिदका लागि विक्रि प्रवन्धकको कार्यालय कमलादी तथा माछापुछ्रे बैंकको सबै शाखाहरुबाट भर्न सकिन्छ ।
२४ पुस २०७३, ११।००
वि.सं.२०७३ पुस २४ आइतवार १२:३२ मा प्रकाशित