काठमाण्डौं । सेयर लगानीकर्ता संघले अनाबश्यक र झुटो हल्ला फैलाई सेयर बजारलाई प्रभावित पार्नेहरुलाई कारबाही गर्न नियमनकारी निकायहरुसँग माग गरेको छ । सेयर बजारमा तीब्र उतार चढाव आएको बेला केही ब्यक्तिहरुले बजारमा चलखेल गर्न भ्रामक हल्ला फैलाई लगानीकर्ताहरुमा आतंक सिर्जना गरेको संघले आरोप लगाएको छ ।
बजारमा उच्च गतिमा उतारचढाव आउँदा कतिपय साना र नयाँ लगानीकर्ता आत्तिएर सेयर बेच्ने प्रवृत्ति बढेको संघका महासचिव नबराज सुबेदीले जारी गरेको बिज्ञप्तिमा उल्लेख छ । कतिपय सञ्चारमाध्यम विशेष गरी अनलाइन समाचार माध्यमले अनावश्यक ढंगबाट झुटा समाचार सम्प्रेषण गरी बजारमा आतंक मच्चाएको आरोप समेत संघले लगाएको छ ।
केही व्यक्तिहरुले बजार व्यापक घट्छ भन्ने गलत अफवाह फैलाएर लगानीकर्ताको मनोबल गिराउने काममा सक्रिय हुँदा समेत नियामक निकाय तथा बजार सञ्चालक मुकदर्शक भएर बसेको भन्दै संघले गम्भीर ध्यानाकर्षण भएको जनाएको छ ।
१८
माघ २०७३, १।००
वि.सं.२०७३ माघ १८ मंगलवार १४:०३ मा प्रकाशित
