काठमाडौं । बुर्मिना फासोलाई टाइब्रेकरमा पराजित गर्दै इजिप्ट नवौं अफ्रिका कप अफ नेशनको फाइनलमा प्रवेश गरेको छ ।बुधबार राति भएको खेलको निर्धारित ९० मिनेट र थपिएको ३० मिनेटमा पनि १–१ गोलको बराबरी भएपछि निर्णय टाइब्रेकरबाट लिइएको थियो ।
जसमा इजिप्टका ४४ वर्षीय गोलकिपर नायक बने । भेट्रान गोलकिपर एसाम अल हाडरीले बर्ट्रेनटाउरेको पेनाल्टी प्रहार रोकेका थिए । र, पेनाल्टी सुट आउटमा बुर्मिना फासोलाई ४–३ ले हराउँदै इजिप्ट फाइनल पुग्यो ।
उसो त टाइब्रेकरमा पहिलो प्रहारका लागि आएका इजिप्टका अबदुल्लाह अलको प्रहार बुर्किना फासोको २० वर्षे गोलकिपर हार्भे कोफीले रोकेका थिए । तर, चौथो पेनाल्टीमा उनी गोल गर्न चुके । उनी भन्दा २४ वर्ष सिनियर एसाम अल हाडरीले सहजै उनको प्रहार रोके ।
यसअघि र्निधारित ९० मिनेटका खेलमा मोहमेद सालेहले गोल गर्दै इजिप्टलाई सुरुवाति अग्रता दिलाएका थिए । तर, बुर्किना फासोले ७३ औं मिनेटमा बराबरी गोल फर्कायो । उसका लागि बान्सले गोल गरेका थिए ।
प्रकाशित मितिः २०७३ माघ २०
वि.सं.२०७३ माघ २० बिहीवार १४:४५ मा प्रकाशित
