काठमाण्डौं । चिलिमे हाइड्रोले आफ्नो वित्तीय विबरण सार्वजनिक गरेको छ । हाइड्रोले चालु आर्थिक वर्षको छ महिनामा ५५ करोड ९२ लाख ३४ हजार रुपैंया खुद नाफा कमाएको छ । गत आर्थिक वर्षको यसै अवधिमा उसले ५६ करोड १७ लाख १८ हजार रुपैंया खुद नाफा कमाएको थियो ।
समिक्षा अवधिमा ६४ करोड २५ लाख २३ हजार रुपैंयाको बिद्युत बिक्री शिर्षकलाई बढाएर ६५ करोड ४२ लाख ४१ हजार रुपैंया पुर्याएको हाइड्रोको अन्य आम्दानी ३६ लाख २८ हजारबाट दुई लाख २८ हजार रुपैंयामा झरेको छ ।
एक करोड ६५ लाख ४१ हजार रुपैंयाको प्रशासनिक खर्च दुई करोड ७९ लाख १८ हजार रुपैंयामा उक्लिए पछि सञ्चालन मुनाफामा नै गिरावट व्यहोरेको हाइड्रोको व्याज आम्दानी पनि चार करोड आठ ६६ हजार रुपैंयाबाट एक करोड ७९ लाख ९१ हजार रुपैंयामा सिमित हुँदा खुद नाफामा संकुचन बढेको हो ।
चुक्ता पूँजी तीन अर्ब १३ करोड ४४ लाख ७७ हजारबाट १० प्रतिशत बोनस बितरण गरी तीन अर्ब ४४ करोड ७९ लाख २४ हजार रुपैंया पुर्याएको हाइड्रोको प्रतिसेयर आम्दानी समिक्षा अवधिमा ३५ रुपैंया ८४ पैसाबाट ३२ रुपैंया ४४ पैसामा झरेको छ । मूल्य आम्दानी अनुपात ३७ दशमलव ९७ गुणाबाट २५ दशमलव १९ गुणामा झरेको छ ।
प्रतिसेयर नेटवर्थ पनि दुई सय ३८ रुपैंया ७२ पैसाबाट दुई सय ३१ रुपैंया ३३ पैसामा झरेको हाइड्रोको प्रतिसेयर कुल सम्पत्तिको मूल्य पाँच रुपैंयाले घटेर दुई सय ४७ रुपैंया ५२ पैसा कायम भएको छ ।
२६ माघ २०७३, १।००
वि.सं.२०७३ माघ २६ बुधवार १५:२० मा प्रकाशित
