सोमालियाका पूर्वप्रधानमन्त्री मोहम्मद अब्दुल्लाही फरमाजो सोमालियाको राष्ट्रपतिमा निर्वाचित हुनु भएको छ । वर्तमान राष्ट्रपति हसन सेख मोहम्मदसँग भएको दोस्रो चरण सम्मको मतदानपछि उनी निर्वाचित भएक होुन् ।
दोस्रो चरणको मतदानमा फरमाजोले १८४ मत ल्याएका थिए भने उनका निकटम प्रतिद्धन्द्धी मोहम्मदले ९७ मत ल्याएका थिए । तेस्रो उम्मेदवारको रुपमा प्रतिश्पर्धामा रहेका सरिफ सेख अहमदले ४५ मत मात्रै पाएका थिए ।
नवनिर्वाचित राष्ट्रपति फरमाजो सन् २००९ देखि २०१० सम्म सोमालियाको प्रधानमन्त्री बन्नु भएको थियो । उनले आफुलाई निर्वाचनमा सहयोग गर्ने सवैलाई धन्यवाद ज्ञापन गरेका छन् । फरमाजोसँग अमेरिकाको राहदानी छ भने उनले स्टेट युनिभर्सिटी अफ न्युयोर्कबाट राजनीति शास्त्रबाट स्नातकोत्तर गरेका छन् । उनी विश्वविद्यालयका पूर्वप्राध्यापक पनि हुन्।
त्यस बाहेक उनले न्युयोर्क राज्य, बफेलो नगरपालिका लगायतका अन्य विभिन्न निकायहरुमा पनि काम गरेका थिए । फरमाजोले प्रधानमन्त्रीबाट हटेपछि सन् २०११ मा सोमाली जस्टीस एण्ड इक्वालिटी पार्टी नामका नयाँ पार्टी खोलेका थिए । रासस÷सिन्ह्वा
प्रकाशित मितिः २०७३ माघ २७
वि.सं.२०७३ माघ २७ बिहीवार १३:०५ मा प्रकाशित
