काठमाण्डौं । यातायात व्यवस्था विभागले सवारी साधनको भाडादर आजबाट लागू हुनेगरी घटाएकोछ । विभागले सवारी साधनको भाडादर १ दशमलव ६३ प्रतिशतदेखि ३ दशमलव २४ प्रतितसम्म घटाएको छ । हिजो भएको भौतिक पूर्वाधार तथा यातायात व्यवस्थाको बैठक अनुसार भाडा घटाइएको हो ।
जसअनुसार सवैभन्दा बढी तराइ क्षेत्रमा चल्ने मालवाहक सवारीसाधनमा ३ दशमलव २४ प्रतिशतले भाडा घटाइएको छ । यसैगरी, पहाडतर्फ चल्ने सवारीसाधनमा भने ३ दशमलव १० प्रतिशतले भाडा घटाइएको छ ।
विभागले यात्रुवाहक सार्वजनिक सवारीसाधनमा भने २ दशमलव २२ प्रतिशतले भाडा घटाएको छ । यता ट्याक्सीमा भने १ दशमलव ६३ प्रतिशतले भाडा घटाइएको छ । काठमाडौंमा चल्ने सवारीसाधनमा भने पुरानै भाडादर कायम गरेको छ । जस अनुसार न्युनतम १३ रुपैयाँदेखि अधिकतम २५ रुपैयाँसम्म निर्धारण गरेको छ ।
माघ २५, २०७२, ८.००
वि.सं.२०७२ माघ २५ सोमवार १०:४४ मा प्रकाशित
