सामसुङका उपाध्यक्ष लि जे योङ भ्रष्टाचारको आरोपमा पक्राउ परेका छन् । दक्षिण कोरियाको सबैभन्दा ठूलो भ्रष्टाचार काण्डमा जोडिएका उनलार्इ पक्राउ गर्नेबारेमा टुंगो लगाउन उनी बिरुद्ध दुर्इ पटक सम्म उच्च अदालतमा सुनुवाइ भएको थियो ।
लिको फर्मले राष्ट्रपति पार्क ग्यून हेको निकटका ब्यक्तिको गैरनाफामुखी संस्थाहरुमा चन्दा दिएर राजनीतिक लाभ लिएको आरोप लागेको छ । लि माथि ३ करोड ६० लाख डलर चन्दा दिएको आरोप लागेको छ ।
केही हप्ता अघि देखि भैरहेको अनुसन्धानका क्रममा फेरि बयान लिनका लागि केही नयाँ अवस्थाहरु देखा परेको भन्दै उनलार्इ बयानका लागि गत हप्तामात्रै दोस्रोपटक अदालतमा डाकिएको थियो ।
उपाध्यक्ष पदमा रहेपनि सामसुङका प्रमुखका रुपमा कार्यरत लिलार्इ यसअघि जनवरीमा पनि अरु कम्पनीका केहि प्रमुखहरुसँग सोधपुछका लागि अदालत लगिएको थियो । यसअघिको सुनुवाइमा अदालते पक्राउको लागि पर्याप्त आधार नभएको भनेको थियो ।
इलेक्ट्रोनिक जायन्ट सामसुङ र उपाध्यक्ष लि ले भने आफूले केही गलत काम नगरेको दावी गर्दै आएको छ । शुक्रवार अदालतले लिको पक्राउ आवश्यक भएको भन्दै पक्राउको आदेश दिएको हो । उनलार्इ पक्राउ गरी आगामी २० दिनसम्म अनुसन्धान गरिने बताइएको छ ।
४८ वर्षका लि सामसुङ इलेक्ट्रोनिक्सका उपाध्यक्ष हुन् । उनले आफ्ना पिता लि कुन हिको उत्तराधिकारीको रुपमा सन् २०१४ देखि सामसुङकव प्रमुखको हैसियतमा काम गर्दै आएका थिए । पिता हिलार्इ हार्ट एट्याक् भएपछि उनले कम्पनीको बागडोर सम्हाल्दै आएका छन् ।
उनी सामसुङका संस्थापक लि ब्योङ चु का नाती र अध्यक्ष लि कुन हिका छोरा हुन् । उनले आफ्नो सम्पूर्ण ध्यान कम्पनीको स्तर बढाउनमा लगाउँदै आएका थिए ।
लिको पक्राउले सामसुङको उत्पादनमा तत्काल कुनै असर नदेखिएपनि दिर्घकालीन परियोजनाहरुलार्इ भने यसले असर गर्ने बताइएको छ ।
विश्वकै अग्रणी इलेक्ट्रोनिक्सको रुपमा स्थापित सामसुङ इलेक्ट्रोनिक्सको ब्राण्ड इमेजमा भने भ्रष्टाचारको यस स्क्यान्डलले ठूलो धक्का लागेको विश्लेषण हुन थालेको छ । पक्राउको खबर लगत्तै शेयर बजारमा सामसुङको शेयरमा गिरावट आएको छ । बिबिसी÷बिजमाण्डु डटकमबाट
प्रकाशित मितिः २०७३ फागुन ६
वि.सं.२०७३ फागुन ६ शुक्रवार १३:४८ मा प्रकाशित
