काठमाडौ। प्रधानमन्त्री पुष्पकमल दाहालले जेठमा स्थानीय निर्वाचन हुनेमा शंका नगर्न आग्रह गरेका छन् । नयाँ संविधान कार्यान्वयनका लागि निर्वाचन अपरिहार्य भएको भन्दै प्रधानमन्त्री दाहालले निर्वाचन हुनेमा कसैलाई पनि शंका नगर्न आग्रह गरेका हुन् ।
६७औं राष्ट्रिय प्रजातन्त्र दिवसको अवसरमा सरकारले काठमाडौंको टुडिखेलमा आयोजना गरेको विशेष समारोहलाई सम्बोधन गर्दै प्रधानमन्त्री दाहालले सहिदहरुको सपना साकार पार्न पनि संविधानसभाबाट बनेको संविधान कार्यान्वयन हुनैपर्ने बताए ।
२००७ सालमा प्रजातन्त्र स्थापनाका लागि ज्यानको आहुती दिने सहिदहरुप्रति श्रद्धान्जली व्यक्त गर्दै उनले अब मुलुकलाई आर्थिक समृद्धिको दिशामा अघि बढाउन सरकार प्रतिवद्ध रहेको बताए ।
प्रकाशित मितिः २०७३ फागुन ७
वि.सं.२०७३ फागुन ७ शनिवार १५:१४ मा प्रकाशित