काठमाण्डौं । कर्णाली विकास बैंकले २२५ प्रतिशत हकप्रद निस्कासन गर्ने भएको छ । राष्ट्र बैंकले तोकेको पूँजी पुर्याउन बैंकले उक्त अनुपातको सेयर आफ्ना साविक लगानीकर्तालाई बिक्री गर्न लागेको हो।
यसका लागि निर्णय गर्न कम्पनी २५ फागुनमा विशेष साधारणसभा बोलाएको छ। बैंकले पुष मसान्त सम्म ३६ लाख ७३ हजार रुपैयाँ खुद मुनाफा गरेको थियो। गत आर्थिक बर्षको नाफाबाट सेयरधनीलाई १५ प्रतिशत लाभांश दिएको थियो। त्यसमा १० प्रतिशत बोनश सेयर र ५ प्रतिसत नगद लाभांश थियो।
बैंकको चुक्ता पूँजी हाल १५ करोड १० लाख रुपैयाँ रहेको छ। २२५ प्रतिशत हकप्रद बिक्री पश्चात बैंकको पूँजी करिब ५० करोड रुपैयाँ पुग्ने छ। राष्ट्र बैंकको प्रावधान अनुसार तीन जिल्ले विकास बैंकलाइ ५० करोड रुपैयाँ चुक्ता पूँजी पुर्याउनु पर्छ।
११ फागुन २०७३, २।००
वि.सं.२०७३ फागुन ११ बुधवार १५:१३ मा प्रकाशित