काठमाण्डौं । मिसन डेभलपमेण्ट बैंकले यही चैत तीन गतेदेखि हकप्रद निष्काशन गर्ने भएको छ । हकप्रद निष्काशनका लागि बैंकले फागुन २३ गते बुक क्लोज गर्ने भएको छ । कम्पनीले गत वर्ष फागुन ३० गते साधारण सभाबाट शतप्रतिशत हकप्रदको प्रस्ताव पारित गराएको हो ।
रुपन्देहीको बुटवलमा प्रधान कार्यालय रहेको बैंकको सेयर विक्री प्रबन्धक भिबोर क्यापिटल रहेको छ । बैंकले १९ करोड ४९ लाख रुपैँया चुक्तापूँजी बराबरको १९ लाख ४९ हजार दुई सय ५० कित्ता हकप्रद निष्काशन गर्न लागेको हो । हकप्रदमा सेयरधनीले २०७४ बैशाख ६ गतेसम्म आवेदन गर्न सक्नेछन् ।
बैंकको शतप्रतिशत हकप्रद सुरक्षित गर्न चाहने लगानीकर्ताले फागुन २२ गतेसम्म बैंकको सेयर किन्नुपर्ने हुन्छ । बैंकले यहि फागुन ८ गते आईतबार धितोपत्र बोर्डबाट हकप्रद निष्काशनको स्वीकृति प्राप्त गरेको हो ।
बैंकले चालु आर्थिक बर्षको अर्धबार्षिक अवधिमा तीन करोड ६६ लाख रुपैयाँ खुद नाफा गरी प्रतिसेयर आम्दानी ३७ रुपैयाँ ६१ पैसा कायम गरेको छ ।
२२ फागुन २०७३, ११।००
वि.सं.२०७३ फागुन २२ आइतवार ११:२२ मा प्रकाशित
