पाकिस्तानले उत्तरी छिमेकी चीनबाट ७५० अर्ब अमेरिकी डलर अल्पकालीन व्यावसायिक ऋण लिने भएको छ । अन्तरराष्ट्रिय सञ्चारमाध्यमका अनुसार परवेज मुसर्रफको शासनका क्रममा लिएको यूरोबन्ड ऋण चुकाउनका लागि पाकिस्तानले यतिका परिमाणको पैसा लिन लागेको हो ।
पाकिस्तानको वित्त मन्त्रालय सूत्रलाई उधृत गर्दै आएको समाचार अनुसार यूरोबन्डको ऋण चुकाउनका लागि सरकार ७५० अर्ब अमेरिकी डलरको दोस्रो व्यवासायिक ऋण लिन खोज्दैछ ।
यसअघि मुसर्रफ सरकारले ६.८७५ प्रतिशतका दरले १० वर्षका लागि बन्ड जारी गरेको थियो । यो यसै साल २४ मे मा सकिँदैछ ।
सूत्रका अनुसार यो पाकिस्तानले चीनबाट पछिल्लो छ महिनामा लिन लागेको तेस्रो ठुलो ऋण हो । यसअघि चीन बैंकले पाकिस्तानमा अर्थव्यवस्थालाई सन्तुलित बनाइराख्नका लागि १.३ अर्ब डरल दिएको थियो ।
समाचार अनुसार यो ऋण चीनले ३.३ प्रतिशतको दरले दिन लागेको हो । यसभन्दा पहिले पाकिस्तानले विदेशी व्यवसायिक ऋण ४.७ प्रतिशतको दरले लिइरहेको थियो ।
प्रकाशित मितिः २०७३ चैत २६
वि.सं.२०७३ चैत २६ शनिवार १६:०८ मा प्रकाशित
