काठमाण्डौं । नेपाल लाइफ इन्स्योरेन्स कम्पनीले स्मार्ट जीवन बीमा योजना ल्याएको छ। दैनिक दश रुपैयाँमा १० लाख रुपैयाँसम्मको जीवन बीमा गराउने योजना कम्पनीले ल्याएको हो।नयाँ योजनाको बीमा समितिका अध्यक्ष चिरञ्जिवी चापागार्इँले नयाँ योजना सार्वजनिक गरे।
उनले नयाँ योजनाले बचत परिचालनमा सघाऊ पुर्याउने बताउँदै योजनाको आफूपनि सदस्य बन्ने घोषणा गरे।कम्पनीका संचालक कमलेशकुमार अग्रवालले बीमाको कभरेज बढाउन नयाँ योजना ल्याएको बताउँदै सबैले नयाँ योजनामा सहभागी बन्न सक्ने बताए।कम्पनीका प्रमुख कार्यकारी अधिकृत विवेक झाले हरेक तह र तप्काका व्यक्तिलार्इ बीमाको दायरमा समेट्न नयाँ योजना ल्याएको बताए।
उनले नयाँ योजनाले बीमाको दायरा पनि बढाउने दाबी गरे।कार्यक्रममा पोखरामा विगत एक दशकदेखि क्रियाशिल कम्पनीका वरिष्ठ अभिकर्ता प्रविण पोखरललार्इ सम्मान गरिएको थियो।कम्पनीका संचालक हरिश्चन्द्र सुवेदीले नयाँ बीमा योजनाले कम्पनीको व्यवसाय प्रवर्द्धनमा महत्वपूर्ण योगदान दिने बताए।उनले जीवन बीमाको विद्यमान कर छुटको प्रावधान बढाउन सकेमा जीवन बीमाको दायरा थप विस्तार हुने बताए।
२८ चैत २०७३, बिजमाण्डु, ७।००
वि.सं.२०७३ चैत २८ सोमवार ०७:२४ मा प्रकाशित
