काठमाडौ। महालक्ष्मी विकास बैंक लिमिटेडले नयाँ वर्ष २०७४ सालको उपलक्ष्यमा सर्वसाधारणहरु माझ ‘महालक्ष्मी उद्यमशील कर्जा’ योजना ल्याएको छ । बैंकले सर्वसाधारणहरु लाई स्वदेश मै उद्योग व्यवसाय संचालन गर्न प्रेरित गर्ने उद्देश्यले ‘उद्यम गरौं उद्यमी बनौं, विदेश होइन स्वदेश रोजौँ’ भन्ने नाराका साथ न्यून व्याजदरमा यस योजना ल्याएको हो ।
उक्त कर्जा योजना अन्तर्गत बैंकले देश भित्रै उद्योग, व्यवसाय एवम् कृषि पेशा संचालन गर्न चाहने युवालाई वार्षिक १३ प्रतिशतको व्याजदरमा १ लाख रुपैयाँदेखि ९ लाख रुपैयाँसम्मको कर्जा उपलव्ध गराउने छ । यस योजनाले केहि हदसम्म भएपनि युवाहरुलाई स्वदेश मै उद्योग व्यवसाय गर्न प्रेरित गर्नेछ भन्ने बैंकले अपेक्षा गरेको छ । यो योजना आगामी वैशाख ३ गतेदेखि लागू हुने बैंकले जनाएको छ ।
प्रकाशित मिति २०७३ चैत ३१
वि.सं.२०७३ चैत ३१ बिहीवार ११:११ मा प्रकाशित
