काठमाडौ। नेपाल राष्ट्र बैकको रिक्त दुई सञ्चालकमा रामजी रेग्मी र डा. श्रीराम पौडेल नियुक्त भएका छन्। बैशाख ३ गते बसेको मन्त्रीपरिषद्को वैठकले रेग्मी र पौडेललाई आगामी पाँच बर्षका लागि सञ्चालक नियुक्त गरेको हो।
रेग्मी नेपाल राष्ट्र बैकका अवकास प्राप्त कर्मचारी हुन्। उनी कार्यकारी निर्देशकसमेत भएका थिए। पछिल्लो समय उनी नेपाल स्टक एक्सचेञ्ज (नेप्से) का अध्यक्ष छन्। डा पौडेल यस अघि राष्ट्र बैंक सञ्चालक नै थिए। पौडेललाई सरकारले दोहोर्याएको हो। उनी प्रधानमन्त्री प्रचण्डका प्रमुख आर्थिक सल्लाहकार पनि हुन्।
पौडेल र अर्का एक सञ्चालक डा. रामहरि अर्यालको पाँच बर्ष कार्यकाल पुरा भएपछि चैतबाट सञ्चालक पद रिक्त थियो। सरकारले माओवादी कोटामा पौडेललाई निरन्तरता दिँदै कांग्रेस कोटामा रेग्मीलाई ल्याएको हो।
राष्ट्र बैक सञ्चालक समितिमा गभर्नर अध्यक्ष एवं दुई डेपुटी गभर्नर रअर्थमन्त्रालयका सचिव पदेन सदस्य हुने गरेका छन्। त्यस बाहेक आर्थिक क्षेत्रको ज्ञाताको रुपमा बाहिरबाट तीन सञ्चालक नियुक्त हुन्छन्। तीनमध्ये दुई सञ्चालक पद रिक्त थियो। अर्का एक सञ्चालक विकेमानसिंह श्रेष्ठको योग्यतामाथि प्रश्न उठेपछि अदालतले उनलाई निलम्बन गरेको छ।
प्रकाशित मितिः २०७४ बैशाख ५
वि.सं.२०७४ वैशाख ५ मंगलवार १३:४२ मा प्रकाशित