काठमाडौ। स्थानीय तहको संख्या थपको विरोधमा प्रमुख प्रतिपक्षि दल नेकपा एमालेले सदनको कारवाही चल्न नदिने अडान लिएपछि पूर्ववजेट छलफलविना नै यो पटक सरकारले नीति तथा कार्यक्रम आउने भएको छ । व्यवस्थापीका संसदको विहिबारको बैठकमा राष्ट्रपति विद्यादेवी भण्डारीले सरकारको नीति तथा कार्यक्रम प्रस्तुत गर्नैछिन् ।
संसद सचिवालयको कार्यतालिका अनुसार विहिबार दिउँसो ४ बजे नीति तथा कार्यक्रम पेस गर्ने समय तोकिएको छ । संबैधानिक व्यवस्था अनुसार राष्ट्रपतिले सरकारको नीति तथा कार्यक्रम सदनमा पेश गर्नेछिन् ।
निर्वाचन आचार संहितका कारण यो वर्ष पुरानै कार्यक्रम अर्थात गत वर्षको कार्यक्रमलाई नै प्राथमिकता दिएर नीति तथा कार्यक्रम आउने भएको छ ।
यता सदन अवरुद्ध गर्दै आएको नेकपा एमालेले राष्ट्रपतिलाई नीति तथा कार्यक्रम प्रस्तुत गर्न दिने भएको छ । एमालेले नीति तथा कार्यक्रम प्रस्तुत हुन दिएपनि संसदका अरु कार्यहरुलाई भने अबरोध गर्ने जनाएको छ ।
प्रकाशित मितिः २०७४ जेठ ११
वि.सं.२०७४ जेठ ११ बिहीवार ११:०१ मा प्रकाशित
