काठमाडौं । ज्योति विकास बैंकको १०० प्रतिशत हकप्रद सेयर बिक्री भोली (बुधबार ३१ गते) बन्द हुँदैछ । यसआधारमा हकप्रदका लागि आज र भोली बैंकिङ समयसम्म आवेदन दिइसक्नुपर्नेछ ।
बैंकले वैशाख २८ गतेदेखि १ः१ अनुपातमा (एक कित्ता बराबर थप नयाँ एक कित्ता) १ करोड १० लाख ४३ हजार १७१ कित्ता हकप्रद सेयर बिक्री गर्दै आएको छ । हकप्रद भर्नका लागि यसको बिक्री प्रबन्धक सिद्धार्थ क्यापिटल नक्साल, काठमाडौं र ज्योतिको केन्द्रीय तथा सम्पूर्ण शाखा कार्यालयहरुबाट आवेदन दिन पाइनेछ ।
यो हकप्रदमा वैशाख १३ गतेसम्म कायम सेयरधनीले मात्र आवेदन दिन पाउनेछन् ।
नेपाल राष्ट्र बैंकले तोकेको चुक्ता पुँजी पुर्याउन ज्योतिले १०० प्रतिशत हकप्रद सेयर निष्कासन गरेको हो । हकप्रद सेयर बिक्रीपछि ज्योतिको चुक्ता पुँजी २ अर्ब २० करोड ८६ लाख ३४ हजार २०० रुपैयाँ पुग्नेछ ।
प्रकाशित मितिः २०७४ जेठ ३०
वि.सं.२०७४ जेठ ३० मंगलवार ११:११ मा प्रकाशित