पोखरा। पत्रकार प्रकाश ढकालको उपचारका लागि रु २२ हजार आर्थिक सहयोग प्रदान गरिएको छ । स्वासप्रस्वासमा समस्या देखिएपछि एक हप्ता अघिदेखि गण्डकी मेडिकल कलेजमा भर्ना भएकाले उक्त रकम सहयोग गरिएको हो ।
ढकाललाई नेपाल पत्रकार महासङ्घ कास्कीले रु १० हजार आर्थिक सहयोग प्रदान गरेको छ । उनलाई महासङ्घका जिल्ला अध्यक्ष दीपेन्द्र श्रेष्ठलगायतका पदाधिकारीले अस्पतालमै पुगेर उक्त रकम सहयोग गरेका हुन् ।
त्यस्तै ढकालको उपचारका लागि नेपाल खेलकुद पत्रकार मञ्च कास्कीले रु ७ हजार र नेपाल प्रेस युनियन कास्कीले रु ५ हजार सहयोग प्रदान गरेको छ । मञ्चका अध्यक्ष केशव पाठक र युनियनका अध्यक्ष शिरोमणि बरालले उक्त रकम हस्तान्तरण गरेकान हुन् ।
प्रकाशित मितिः २०७४ जेठ ३१
वि.सं.२०७४ जेठ ३१ बुधवार १२:२१ मा प्रकाशित
