काठमाडौ । नेपाल स्टक एक्सचेञ्जमा आईतबार एकैदिन दुई विकास बैंकको गरि ६४ लाख ८ हजार ८८ दशमलव ७० कित्ता सेयर सूचिकृत भएको छ । देवः विकास बैंकको बोनस तथा हकप्रद र एक्सेल डेभलपमेन्ट बैंकको बोनस सेयर गरि उक्त परिमाणको सेयर सूचिकृत भएको हो ।
आईतबार सूचिकृत भएको सेयरमध्ये देवः विकास बैंकको १२ लाख ३३ हजार ५२३ दशमलव ३१ कित्ता बोनस सेयर रहेको छ । आईतबार नै देवःले यसअघि जारी गरेको ५० प्रतिशत हकप्रदको ४४ लाख पाँच हजार ४४० दशमलव ३९ कित्ता हकप्रद सेयर सूचिकृत गराएको छ ।
त्यस्तै एक्सेल डेभलपमेन्ट बैंकले पनि आईतबार नै सात लाख ६९ हजार १२५ कित्ता बोनस सेयर सूचिकरण गरेको छ । यस परिमाणको सेयर थपिएसँगै नेप्सेमा २० लाख दुई हजार ६४८ दशमलव ३१ कित्ता बोनस सेयर र ४४ लाख पाँच हजार ४४० दशमलव ३९ कित्ता हकप्रद सेयर बजारमा थपिएको छ ।
प्रकाशित मितिः २०७४ असार १२
वि.सं.२०७४ असार १२ सोमवार १२:५० मा प्रकाशित
