काठमाडौ। एभरेष्ट बैंकले आजदेखि तीन शेयर बरावर एकको अनुपातमा हकप्रद शेयर निष्काशन तथा बिक्री खुल्ला गरेको छ। बैंकले प्रति साधारण शेयर १०० रुपैयाँ बराबरको दरले एक करोड ५० लाख ८८ हजार ८७ कित्ता अर्थात् १ अर्ब ५० करोड ८८ लाख ८ हजार ७०० रुपैयाँको लागेको जनाएको छ।
असार ६ गतेसम्म कायम भएका बैंकका शेयरधनीले साउन २२ गतेसम्म हकप्रद आवेदन दिन सक्नेछन्। बैंकको हकप्रद शेयरको आवेदन एनआइविएल क्यापिटल मार्केट तथा एभरेष्ट बैंकको केन्द्रिय तथा सम्पूर्ण शाखा कार्यालयबाट आवेदन दिन पाइने बताइएको छ।
बैंकको हालको चुक्ता पूँजी ४ अर्ब ५२ करोड रुपैयाँ रहेको छ। हकप्रदको निष्कासनपछि बैंकको चुक्ता पूँजी ६ अर्ब नाघ्नेछ ।
प्रकाशित मितिः २०७४ असार १८
वि.सं.२०७४ असार १८ आइतवार १३:१६ मा प्रकाशित
