काठमाडौं । झापाको कमल गाउँपालिकामा गोलाप्रथाबाट एमालेकी उम्मेदवार मेनुका काफ्ले अध्यक्षमा निर्वाचित भएकी छन् । अध्यक्ष पदका उम्मेदवार नेपाली कांग्रेसका हुकुमसिंह राई र एमालेकी मेनुका काफ्लेको बराबर मत आएपछि गोलाप्रथा गरिएको हो । दुबै उम्मेदवारले ८,२७५ मत पाएका थिए । उक्त गाउँपालिकाको उपाध्यक्षमा एमालेका बेणुराज शिवाकोटी निर्वाचित भएका छन् । झापाका १५ स्थानीय तहमध्ये पाँच स्थानीय तहको परिणाम सार्वजनिक भएको छ । जसअनुसार नेकपा एमाले दुई, राप्रपा दुई र नेपाली कांग्रेस एक स्थानीय तहमा निर्वाचित भएका छन् ।
वि.सं.२०७४ असार २० मंगलवार १८:१८ मा प्रकाशित