काठमाडौ। गत साउन २१ गते सम्पन्न नेपाल पर्वतारोहण संघ (एनएमए)को निर्वाचनमा धाँधली गरिएको जिम्बा जाङ्बु शेर्पा समूहले आरोप लगाएको छ । काठमाडौमा पत्रकार सम्मेलन गरी अध्यक्षमा पराजित जिङ्बा जाङ्बु शेर्पाले भोट हाल्न नआएका संघका साधारण सदस्यहरुको परिचयपत्र फर्जी मतदातालाई दिएर आफ्नो पक्षमा भोटिङ गराएको दाबी गरे ।
पत्रकार सम्मेलनमा शेर्पा समूहले निर्वाचनमा धाँधली गर्न गैरसदस्यले संघको सचिवालयबाट निर्वाचन भइरहेको समयमै भोटिङ परिचयपत्र बुझेको भन्दै सिसीटिभी फुटेज पनि सार्वजनिक गरिएको थियो । निर्वाचनमा धाँधली गर्न यसअघिका एनएमएका कोषाध्यक्ष तथा हाल सचिव पदमा विजयी टिकाराम गुरुङको प्रत्यक्ष संलग्नता देखिएको आरोप अध्यक्षका प्रत्यासी जिङ्बाजाङ्बु शेर्पा लगायत समूहको छ ।
यो विषयमा अनुसन्धान भईरहेको र आफुहरु कानुनी लडाईमा अगाडि बढेको पत्रकार सम्मेलनमा जानकारी दिईयो ।
प्रकाशित मितिः २०७४ साउन २४
वि.सं.२०७४ साउन २४ मंगलवार १६:१५ मा प्रकाशित