काठमाडौ ।सदरमुकाम सिन्धुलीमाढीमा पहिरोले पुरिएर एकै परिवारका ४ जनाको मृत्यु भएको छ ।
उनीहरु कमलामाई नगरपालिका ६ को २ नं बजारमा जनसेवा पुस्तकालय र पत्रकार महासंघको जग्गामा अस्थायी टहरोमा बसोबास गर्दै आएका थिए ।
प्रहरीको अनुसार शनिबार बिहान करिब २ बजेको समयमा झरेको पहिरोले सुतिरहेको अवस्थामा ४ जनालाई पुरेको हो । मृत्यु हुनेमा ३२ वर्षीय दुर्गा कुमारी खड्का, १५ वर्षीय छोरी शोभा खड्का, छोराहरु १० वर्षीय अनिस खड्का र ७ वर्षी मनिष खड्का का रहेका छन् ।
घट्नामा सगै सुतिरहेका श्रीमान उद्धवबहादुर खड्का भने भागेर ज्यान जोगाउन सफल भएका छन् ।
लगातार दुई दिन देखि परिरेहको पानी सगै जिल्ला प्रहरी कार्यालयले नया भवन निर्माण गर्दा थुपारेको माटोले पहिरोको रुप लिदा उक्त घट्ना घटेको हो । चारै जनाको शव जिल्ला प्रहरी कार्यालयमा राखिएको छ ।
हाल पहिरो गएको स्थान वरपर करिव आधा दर्जनको संख्यामा रहेका रुखको समेत व्यवस्थापन नगर्ने हो भने प्रहरी कार्यालय नजिकै रहेका करिव २० घर जोखिममा रहेको भन्दै स्थानीयले उक्त रुखहरुको समेत व्यवस्थापन गर्न जिल्ला प्रहरी कार्यालय समक्ष स्थानीयले माग समेत गरेका छन् ।फाइल फोटो
प्रकाशित मितिः २०७४ साउन २८
वि.सं.२०७४ साउन २८ शनिवार १३:०५ मा प्रकाशित