काठमाडौ । प्राइम लाइफ इन्सुरेन्सले १६० प्रतिशत हकप्रद सेयर निष्काशन गर्ने भएको छ । कम्पनीले २५ प्रतिशत बोनस सेयर दिएपछि कायम हुने चुक्ता पुँजीबाट १६० प्रतिशत हकप्रद सेयर जारी गर्न लागेको हो ।
नियामक बिमा समितिले तोकेको न्यूनतम चुक्ता पुँजी २ अर्ब रुपैयाँ पुर्याउन प्राइमले हकप्रदको बाटो रोजेको हो । बोनस सेयर र हकप्रद प्रस्ताव पारित गर्न कम्पनीले भदौ २७ गते साधारण सभा बोलाएको छ । सभामा २५ प्रतिशत बोनस सेयर र यसमा लाग्ने कर तिर्न ५७ लाख २८ हजार ९८२ रुपैयाँ नगद लाभांश दिने प्रस्ताव पेस हुँदैछ ।
साधारण सभा गर्न प्राइमले भदौ १४ गते बुक क्लोज गर्नेछ ।
प्रकाशित मितिः २०७४ भदौ ५
वि.सं.२०७४ भदौ ५ सोमवार ११:३३ मा प्रकाशित
