काठमाडौं । लुम्बिनी जनरल इन्सुरेन्सको बुधबार देखि ४२ हजार ८१५ कित्ता सेयर लिलामी बिक्री खुला भएको छ । सर्वसाधारण समूहको यो लिलामी सेयर असोज ६ गतेसम्म भर्न सकिन्छ ।
बिक्री प्रबन्धक सीबीआइएल क्यापिटल डिल्लीबजार, काठमाडौंमा पुग्ने गरी बोलपत्र फारम भर्नुपर्नेछ । मंगलबार यस कम्पनीको बजार मूल्य ९०० रुपैयाँ रहेको छ ।
बोलपत्र असोज ६ गते दिउसो ४ बजे बिक्री प्रबन्धकको कार्यालयमा खोलिनेछ । हाल कम्पनीको चुक्ता पुँजी ३९ करोड रुपैयाँ छ । लिलामी बिक्रीपछि भने कम्पनीको चुक्ता पुँजी ७८ करोड रुपैयाँ पुग्नेछ ।
कम्पनीको प्रतिसेयर आम्दानी ४८ रुपैयाँ ९७ पैसा र प्रतिसेयर नेटवर्थ २३८ रुपैयाँ ४४ पैसा छ ।
प्रकाशित मितिः२०७४ भाद्र २८
वि.सं.२०७४ भदौ २८ बुधवार १०:४२ मा प्रकाशित
