काठमाडौं । नेपाल राष्ट्र बैंकले दशैँलाई लक्षित गर्दै बुधबारदेखि नयाँ नोट साट्न सुरु गरेको छ । राष्ट्र बैंकले ५, १० ,२०, ५० र १०० दरका नयाँ नोटको सटही सुविधा उपलब्ध गराएको हो ।
प्रतिव्यक्ति २७ हजार रुपैयाँसम्म सटही सुविधा उपलब्ध गराइने राष्ट्र बैंकले जनाएको छ । नेपाल बैंक लिमिटेडको शाखा कार्यालयहरु काठमाडौं बैंकिङ अफिस न्यूरोड, बालाजु, पाटन औद्योगिक क्षेत्र, कीर्तिपुर, भक्तपुर, राष्ट्रिय बाणिज्य बैंकका शाखा कार्यालयहरु सिंहदरवार प्लाजा भवन, टेकु, नयाँ बानेश्वर, सानो थिमी, विशालबजार, नक्सालबाट नयाँ नोट लिन सकिनेछ । यसैगरी, कृषि विकास बैंकका शाखा कार्यालयहरु गौशाला, कोटेश्वर, रामशाहपथ, रत्नपार्क र मंगलबजारबाट सर्वसाधारणले नयाँ नोट साट्न सक्ने व्यवस्था राष्ट्र बैंकले मिलाएको छ ।
यी बैंकबाट नोट साट्दा प्रतिव्यक्ति २० हजार रुपैयाँसम्म पाउन सकिनेछ । उपत्यका बाहिर पनि यिनै बैंकका शाखा कार्यालयले नयाँ नोट सटही सुविधा दिनेछन । तर, नेपाल राष्ट्र बैंक, मुद्रा व्यवस्थापन विभागको सटही काउन्टरहरुबाट भने सर्वसाधारणले नोट साट्दा प्रतिव्यक्ति अधिकतम २७ हजारसम्म पाउन सक्नेछन् ।
प्रकाशित मितिः २०७४ भाद्र २८
वि.सं.२०७४ भदौ २८ बुधवार ११:२६ मा प्रकाशित
