काठमाडौ । नेपाल कम्युनिटी डेभलपमेन्ट बैंकको १२० प्रतिशत हकप्रद बिहीबारदेखि खुलेको छ । बैंकले असोज २६ गते देखि १ः१.२ अनुपातमा १०० रुपैयाँ अंकित मूल्यको २६ लाख ४३ हजार ५३८.८० कित्ता अर्थात् २६ करोड ४३ लाख रुपैंया बराबरको हकप्रद बिक्री खुला गरेको हो ।
सो हकप्रद सेयर कात्तिक २९ गतेसम्म भर्न पाइनेछ । यसमा एनआइबीएल क्यापिटल मार्केट्सले बिक्री प्रबन्धकको काम गर्नेछ । असोज १७ गतेसम्म कायम रहेका सेयरधनीले हकप्रदमा आवेदन दिन सक्नेछन् ।
कहाँ–कहाँबाट आवेदन दिने ?
एनआइबीएल क्यापिटल मार्केट्स काठमाडौ तथा नेपाल कम्युनिटी डेभलपमेन्ट बैंकको बुटवल, ८ रुपन्देही तथा यसका अधिकांश शाखा कार्यालयबाट आवेदन दिन सकिनेछ । त्यसैगरी, नेपाल इन्भेष्टमेन्ट बैंकको चिप्लेढुंगा पोखरा, विराटनगर, वीरगञ्ज, नेपालगञ्ज, नारायणगढ तथा धनगढी शाखाबाट पनि हकप्रद सेयर भर्न सकिनेछ ।
१२० प्रतिशत हकप्रद जारी गरेपछि बैंकको हालको चुक्ता पुँजी २२ करोड २ लाख बाट बढेर ४८ करोड ४६ लाख पुग्नेछ ।
प्रकाशित मितिः २०७४ असोज २६
वि.सं.२०७४ असोज २६ बिहीवार १०:०१ मा प्रकाशित
