काठमाडौ । मेगा बैंकले जारी गरेको १० बराबर ६.५ अनुपात अर्थात ६५ प्रतिशत हकप्रदमा अब कात्तिक १४ गतेसम्म आवेदन गर्न पाइने भएको छ । भदौ २७ गतेदेखि निष्कासन खुला गरिएको सो हकप्रद सेयरमा असोज ३० गतेसम्म आवेदन गर्ने म्याद थियो । बैंकले त्यसलाई बढाएर कात्तिक १४ पुर्याएको छ ।
नेपाल राष्ट्र बैंकले तोकेको चुक्ता पुँजी ८ अर्ब पुर्याउने मिसनमा रहेको मेगाले १०ः६.५ अनुपातमा १०० रुपैयाँ अंकित मूल्यको २ करोड ९७ लाख ८५ हजार ३४.६३ कित्ता सेयर बिक्री खुला गरेको हो । हकप्रद निष्काशनपछि मेगाको चुक्ता पुँजी ७ अर्ब ५६ करोड ८ लाख १६ हजार ४८१.८१ रुपैयाँ पुग्नेछ । यसमा गत माघ ६ गतेसम्म कायम रहेका सेयरधनीले मात्र आवेदन दिन सक्नेछन् ।
मेगाको बिक्री प्रबन्धक नबिल इन्भेष्टमेन्ट बैंकिंङ हो ।
मेगाको यो हकप्रदमा नबिल इन्भेष्टमेन्ट बैंकिंङ लिमिटेड नक्साल काठमाडौ र मेगा बैंकको केन्द्रीय कार्यालय राइजिङ मल काठमाडौ तथा यसका अधिकांश शाखा कार्यालयबाट आवेदन दिन सकिनेछ । नबिल इन्भेष्टमेन्ट बैंकिंङबाट भने चेकमात्र बुझ्ने व्यवस्था गरिएको छ ।
प्रकाशित मितिः २०७४ असोज ३०
वि.सं.२०७४ असोज ३० सोमवार १०:२९ मा प्रकाशित