काठमाडौं । गैरआवासीय नेपाली संघ (एनआरएनए)को अध्यक्षमा भवन भट्ट विजयी भएका छन् ।
काठमाडौंमा अक्टुबर १५–१७ मा सम्पन्न आठौ महाधिवेशमा प्रत्यासी जमुना घले गुरुङलाई भारी मत अन्तरले पराजित गर्दै भट्ट विजयी भएका हुन् । उनले ११ सय ९७ मत प्राप्त गरेका छन् । गुरुङले भने ५ सय ८४ मत प्राप्त गरेको निर्वाचन समितिका सदस्य कुलप्रसाद पाण्डेले बताए ।१८५४ मध्ये १७८८ मतदाताले मतदान गरेका थिए ।
उपाध्यक्षहरुमा कुमारप्रसाद पन्त र कुल आचार्य र महिला उपाध्यक्ष सपिला राजभण्डारी विजयी भएका छन् । दुई उपाध्यक्ष पदका लागि ६ जनाबीच प्रतिस्पर्धा भएको थियो । महासचिवमा पुनः डा. बद्रि केसी निर्वाचित भएका छन् । महासचिव पदका लागि तीन जनाबीच प्रतिस्पर्धा भएको थियो ।
सचिवहरुमा डबरबहादुर क्षेत्री र जानकी गुरुङ विजयी भएका छन् । दुुई सचिवका लागि ६ जना उमेदेवारबीच प्रतिस्पर्धा भएको थियो । कोषध्यक्षमा पुनः हिक्मतबहादुर थापा बिजयी भएका छन् । सह कोषाध्यक्षमा सोमनाथ सापकोटा बिजयी भएको निर्वाचन समितिले जनाएको छ ।
महिला संयोजकमा भूमादेवी लिम्बु निर्वाचित भएकी छन् । युवा संयोजकमा सुदन थापा निर्वाचित भएका छन् ।
युरोप क्षेत्रिय संयोजकमा शिव बरुवाल विजयी भएका छन् । युरोप उपसंयोजकमा गोविन्द गौतम र एकराज गिरी निर्वाचित भएका छन् । युरोप महिला संयोजकमा संगीता मरहठ्ठा विजयी भएकी छिन् ।
अमेरिका संयोजकमा गौरीराज जोशी र उपसंयोजकमा नविन शेरचन र महिला उपसंयोजकमा संगीता लम्सााल शिवाकोटी निर्वाचित भएका छन् ।
ओशिनिया क्षेत्रिय संयोजकमा धर्मराज अधिकारी र महिला उपसंयोजकमा प्रिति शर्मा विजयी भएका छन् ।
मध्यपुर्व क्षेत्रिय संयोजकमा कतारका आरके शर्मा विजयी भएका छन् । उपसंयोजकमा गोपाल कंडेल र प्रवीण गुरुङ निर्वाचित भएका छन् । क्षेत्रिय संयोजक युवा राजकुमार बस्नेत विजयी भएका छन् ।
एसिया प्रशान्त क्षेत्रिय संयोजकमा किरणविक्रम थापा र उपसंयोजकमा पारसमणि पोखरेल र विनोद कुँवर निर्वाचित भएका छन् । महिला उपसंयोजकमा जुनु गुरुङ निर्वाचित भएकी छिन् ।
अफ्रिका क्षेत्रिय संयोजकमा सुनिल कार्की निर्वाचित भएका छन् । उपसंयोजकमा डा. भुवन ढकाल र शिव पौडेल निर्वाचित भएका छन् ।
सन् २००३ मा स्थापना भएको एनआरएनमा २१ जनाको कार्यसमिति हुन्छ । उक्त समिति भित्र छ वटा क्षेत्रय, महिला र युवा समितिको संयोजक र उपसंयोजक रहने व्याबस्था छ । एनआरएनएले हालसम्म ७८ मुलुकमा आफ्नो सञ्जाल विस्तार गरिसकेको छ । संघको महाधिवेशन हरेक २ वर्षमा नेपालमै हुने गरेको छ ।
सम्मेलनमा विश्वका ६० भन्दा बढी मुलुक गैरआवासीय नेपाली सहभागी भएका थिए ।
प्रकाशित मिति ः ३१ असोज २०७४
वि.सं.२०७४ असोज ३१ मंगलवार ०३:५५ मा प्रकाशित
