लमजुङमा ४.४ मेगावाटको राधी जलविद्युत आयोजना निर्माण गरेको ‘राधी जलविद्युत कम्पनी’ ले सर्वसाधारणका लागि सेयर (आइपिओ) निष्काशन गर्ने भएको छ । कम्पनीले सर्वसाधारका लागि छुट्याइएको १५ प्रतिशत सेयर निष्काशन गर्न मंगलबार धितोपत्र बोर्डबाट स्वीकृती पाएको हो ।
कम्पनीले ६ करोड १५ लाख रुपैयाँबराबरको ६ लाख १५ हजार कित्ता सेयर निष्काशन गर्न लागेको हो । कम्पनीको सेयर निष्काशन तथा विक्री प्रबन्धकको काम नविल इन्भेष्मेन्ट बैंकिङ लिमिटेडले गर्नेछ ।
कम्पनीले बोर्डबाट स्वीकृत पाएको ३५ दिनभित्र सेयर निष्कासन गरेर बाँटफाँट गरिसक्नु पर्नेछ ।कम्पनीले यसअघि गत वैशाखमा आयोजना प्रभावित स्थानीयका लागि १० प्रतिशत सेयर निष्काशन गरेर बाँडफाँट गरिसकेको छ ।
प्रकाशित मितिः २०७४ कार्तिक ७
वि.सं.२०७४ कात्तिक ७ मंगलवार १३:४५ मा प्रकाशित