रामकृष्ण तिमल्सिना, कोषाध्यक्ष पदका उम्मेदवार
वि.सं. २०३९ साल असोज २० गतेका दिन धादिङको त्रिपूरेश्वरमा जन्मिएका रामकृष्ण तिमल्सिना एक युवा तथा जुझारु पर्यटन व्यवसायीका रुपमा परिचित छन् । सन् २००० बाट पर्यटन सहयोगिको रुपमा पर्यटन क्षेत्रमा प्रवेश गरेका तिमल्सिनाले ६ बर्षको छोटो अवधीमै सन् २००६ बाट व्यवसायीक यात्रा तय गरेका हुन् ।
मानविकी संकायमा स्नातक तहसम्मको औपचारिक शीक्षा हाँसिल गरेका उनी हाल हिमालयन सिनेरी ट्रेक्स एण्ड एक्पिडिसन प्रा.लि.का संचालक हुन् । पर्यटन व्यवसायसंगै लायन्स क्लब अफ काठमाण्डौं हिमचुलीमा आवद्ध तिमल्सिना नमुना नेपाल फाउन्डेसनको अध्यक्ष समेत हुन् ।
टानको कोषाध्यक्ष जस्तो गरिमामय पदमा आफ्नो उम्मेदवारी दिएका उनले टानलाई आर्थिक हिसावले मजबुत बनाउने उद्देश्यका साथ आफ्नो निर्वाचनमा होएिका छन् । उनले संस्थाको कोषलाई पारदर्शी तथा पर्यटकीय गतिविधीमा मात्र केन्द्रित गर्ने प्रतिबद्धता समेत व्यक्त गरेका छन् । उनले नेपाल पर्यटन वोर्डमा अड्केर बसेको टिम्स मार्फतको रकमलाई यथासक्य छिटो निकासा गर्ने र नेपाल सरकार लगायत पर्यटनका सम्पूर्ण संस्थाहरुसंग सुमधुर सम्बन्ध स्थापित गर्ने बताएका छन् ।
उनी नवराज दाहाल नेतृत्वको समावेशी तथा व्यवसायीक समुहका उम्मेदवार हुन् ।
वि.सं.२०७४ कात्तिक ११ शनिवार १०:४० मा प्रकाशित
