काठमाण्डौं । एयर काष्ठमण्डपको विमान कालिकोटमा दुर्घटना हुँदा विमानका दुवै पाइलटको घटनास्थलमै मृत्यु भएको प्रत्यक्षदर्शीहरुले बताएका छन् । कालिकोटको चिलखाया गाविस वडा नम्बर २ का फोर्स ल्याण्डिङका क्रममा विमान दुर्घटनामा परेको बताइएकोछ ।
परबाट बाङ्गिँदै बाङ्गिँदै आएको प्लेन हेर्दा हेर्दै ढल्किएर गहुँबारीमा जोतिएर दुर्घटना भएको प्रत्यक्षदर्शी बताएका छन् ।
एकजना पाइलटलाई निकाल्दा निकाल्दै मृत्यु भएको हो प्रत्क्षदर्शीहरुले जानकारी दिएका छन् । विमानका यात्रुहरु भने सबै घाइते छन्। ९ यात्री र तीन चालक दलका सदस्य रहेको विमान सदरमुकाम मान्माबाट पूर्व करिब २० कोश टाढा रहेको चिलखाया गाविसमा दुर्घटना भएको हो।
१४ फागुन २०७२, २.३०
वि.सं.२०७२ फागुन १४ शुक्रवार १४:३६ मा प्रकाशित
