काठमाडौ ।३ मेगावाटको गर्जाङ जलविद्युत आयोजनाको विद्युत राष्ट्रिय प्रणालीमा जोडिएको छ । रामेछापको चुचुरेस्थित चाके खोलामा निर्माण सम्पन्न आयोजनाको विद्युत प्रणालीमा थप भएको हो ।
३ वर्षअघि निर्माण सुरु भएको आयोजनाले व्यवसायीक उत्पादन सुरु गरेको गर्जाङ हाइड्रोपावर कम्पनीका सञ्चालक आङटावा शेर्पाले बताए । उनका अनुसार ७० करोड रुपैयाँको लागतमा आयोजना पूरा भएको हो । आयोजनाबाट उत्पादित विद्युत दोलखाको जिरी सबस्टेसनमा लगेर जोडिएको छ ।
कम्पनीले आयोजना प्रभावित स्थानीयका लागि छुट्याइएको १० प्रतिशत (२ लाख कित्ता) सेयर निष्काशन गर्ने शेर्पाले बताए । सेयर निष्काशनका लागि एनआइबिएल क्यापिटललाई विक्री प्रबन्धक तोकिएको छ । स्थानीयका लागि सेयर निष्काशन गर्न कम्पनीले २०७३ असोज १४ गते नेपाल धितोपत्र बोर्डमा आवेदन गरेको थियो ।उर्जाखबरबाट
प्रकाशित मितिः२०७४ कार्तिक २०
वि.सं.२०७४ कात्तिक २० सोमवार १५:५६ मा प्रकाशित
