काठमाडौँ । प्रतिनिधिसभा र प्रदेशसभा निर्वाचनको मंसिर १० मा पहिलो चरणमा सम्पन्न भएका ३२ जिल्लामध्ये केहीमा आज साँझ पाँचबजेदेखि मतगणना शुरु भएका समाचारहरु प्राप्त भएका छन् ।
मुस्ताङ, मनाङ, बैतडी र बाजुरामा मतगणना कार्य शुरु भएको सम्बन्धित जिल्लाका मुख्य निर्वाचन अधिकृतका कार्यालयहरुबाट जानकारी प्राप्त भएको छ ।
कूल ९ हजार ४२७ मतदाता रहेको मुस्ताङ्गमा ६ हजार ७१४ मत खसेको जिल्ला निर्वाचन कार्यालय मुस्ताङका प्रमुख सीताराम शर्मा लामिछानेले बताए ।
त्यसैगरी, कूल पाँच हजार ८८१ मतदाता रहेको मनाङ्गमा चार हजार ३३८ मतदाताले मतदान गरेका थिए । बैतडीमा ७६ हजार ३४३ मत खसेको थियो । बाजुरामा करिब ८० प्रतिशत मत ५२ हजार ९४५ मतको खसेको बताइएको छ।
प्रकाशित मिति : २१ मंसिर २०७४
वि.सं.२०७४ मंसिर २१ बिहीवार १७:४५ मा प्रकाशित
