आइएमई लाइफ इन्स्योरेन्स कम्पनीले सर्व साधारणलाई ६० करोडको सेयर (आइपीओ) जारी गर्ने भएको छ । कम्पनीले आफ्नो पहिलो बार्षिक साधारण सभा पुस २६ गते लैनचौर ब्याङ्क्वेट, लैनचौरमा राखेको छ ।
१ अर्ब ४० करोड चुक्तापुँजी र ३ अर्ब अधिकृत पुँजी सहित गत असार २० गते बीमा समितिबाट अनुमति पाएको कम्पनीले गत भदौ १ गतेदेखि सञ्चालनमा आएको थियो ।
२ अर्ब चुक्तापूँजी रहेको कम्पनीले संस्थापक समूहको ७० र सर्वसाधारण समूहको ३० प्रतिशत लगानी संरचना बनाउने गरी आइपीओ जारी गर्न लागेको हो । जस अनुसार कम्पनीले ३० प्रतिशत अर्थात् ६० करोड साधारण शेयर निष्कासन गर्नेछ ।
साथै साधारण सभाले संचालक समितिको निर्वाचन र लेखापरीक्षक नियुक्त समेत गर्नेछ ।
कम्पनीमा आईएमई समूह र सोसँग आबद्ध व्यक्ति तथा संस्थाको ४० प्रतिशतभन्दा बढी स्वामित्व रहेको छ ।
वि.सं.२०७४ पुस ५ बुधवार १३:२० मा प्रकाशित
