काठमाडौ । नेपाल स्टक एक्सचेञ्जमा आईतबार विभिन्न १० कम्पनीको सेयरमूल्य समायोजन भएको छ । विभिन्न ९ कम्पनीको बोनसपछि सेयरमूल्य समायोजन भएको हो भने पोखरा फाइनान्सको १५ प्रतिशत हकप्रदलाई समायोजन गरिएको नेप्सेले जनाएको छ ।
समायोजन हुने हरुमा स्ट्याण्डर्ड चार्टड बैङ्क, डिप्रोक्स लघुवित्त, पुर्णिमा विकास बैङ्क, गरिमा विकास बैङ्क, मिसन डेभलपमेण्ट बेङ्क, पोखरा फाईनान्स, निर्धन उत्थान लघुवित्त, मिथिला लघुवित्त, समिट माईक्रोफाईनान्स र ुनाईटेड फाईनान्स रहेका छन् ।
समायोजनपछिको स्ट्याण्डर्ड चार्टड बैङ्कको सेयर मुल्य ९५० र औसत आधार मुल्य १६२२, डिप्रोक्स लघुवित्तको सेयर मुल्य ९९१ र औसत आधार मुल्य ९४१, पुर्णिमा विकास बैङ्कको सेयर मुल्य २२७ र औसत आधार मुल्य २९४, गरिमा विकास बैङ्कको सेयर मुल्य १९७ र औसत आधार मुल्य २४९ रुपैया रहेको छ ।
यस्तै मिसन डेभलपमेण्ट बेङ्कको सेयर मुल्य २०८ र औसत आधार मुल्य २४८, पोखरा फाईनान्सको सेयर मुल्य १७७ र औसत आधार मुल्य २४४, निर्धन उत्थान लघुवित्तको सेयर मुल्य १२६२ र औसत आधार मुल्य १२८३, मिथिला लघुवित्तको सेयर मुल्य १०५२ र औसत आधार मुल्य ११५२, समिट माईक्रोफाईनान्सको सेयर मुल्य १४३६ र औसत आधार मुल्य १५७६ र युनाईटेड फाईनान्सको सेयर मुल्य २२९ र औसत आधार मुल्य ३१८ रुपैया रहेको नेप्सेले जनाएको छ ।
आईतबार समायोजन भएका १० वटै कम्पनीको सेयर कारोबार समायोजित सेयरमूल्यलाई आधार मानेर खुला भएको छ । नेप्सेले सबै कम्पनीके १८० दिनको सेयर कारोबारका आधारमा औसत सेयरमूल्य समेत निर्धारण गरेको छ । सबै कम्पनीको समायोजित सेयरमूल्य औसत आधारमूल्य भन्दा कम रहेको छ ।
२०७४ पुष १७ गते प्रकाशित
वि.सं.२०७४ पुस १७ सोमवार १३:४८ मा प्रकाशित
