काठमाडौँ। सिटिजन बैंकको अगुवाईमा खुलेको सिआइबिएल क्यापिटलले एक अर्ब रुपैयाको सात वर्षे बन्दमुखी योजना ल्याउने भएको छ । सामुहिक लगानी कोष (सिटिजन म्युचुअल फण्ड)ले निष्कासन अनुमति पाएको छ । नेपाल धितोपत्र बोर्डले सिआइबिएल क्यापिटलले निष्कासन गर्न लागेको फण्डलाई सोमबार अनुमति दिएको हो।
कम्पनीले एक अर्ब रुपैयाँ बराबरको १० करोड इकाइ निष्कासन गर्न लागेको हो । सिआईबिएल क्यापिटलको प्यारेन्ट कम्पनी सिटिजन बैंक हो । सिटिजन बैंकको अगुवाईमा खुलेको कम्पनीमा सिटिजन्स बैंकको ५३.६० प्रतिशत शेयर स्वामित्व छ। सिआईबिएलको यो पहिलो बन्दमूखी सामुहिक योजना हो । सात बर्षे बन्दमुखी योजनाको निष्कासन सिआईबिएल क्यापिटलले गर्ने छ।
२०७४ पुष १७ गते प्रकाशित
वि.सं.२०७४ पुस १७ सोमवार १४:३० मा प्रकाशित