काठमाडौं । आर्थिक घोटालाको अभियोगमा सिभिल बैङ्कका कर्मचारी पक्राउ परेका छन् । केन्द्रीय अनुसन्धान ब्युरो (सिआइबी)ले झण्डै ४० लाख रुपैयाँ घोटाला गरेको आरोपमा सिभिल बैंकका एक कर्मचारीलाई पक्राउ गरी अनुसन्धान थालेको छ । सिभिल बैंकको बौद्ध शाखामा कार्यरत एक कर्मचारीले उक्त रकम हिनामिना गरेको आरोप लागेको छ ।
सिभिल बैंकको बौद्ध शाखाका अप्रेसन इन्चार्ज महेश्वर डंगोलले सिभिल बैंकमै रहेको आफ्नो खातामा उक्त रकम सारेका थिए । त्यसपछि डंगोलले सिभिल बैंकको आफ्नो खाताबाट सनराइज बैंकमा रहेको आफ्नै खाता र केही आफन्तको खातामा रकम ट्रान्सफर गरेका थिए ।
डंगोलले पटक पटक गरी उक्त रकम आफु र आफ्ना आफन्तको खातामा पठाएको पाइएपछि बैंकको उजुरीको आधारमा सिआइबीले प्रकाउ गरेको हो । सिआइबीले डंगोललाई भने सार्वजनिक गरेको छैन । डंगोलले ४० लाख रुपैयाँभन्दा बढी रकम हिनामिना गरेको देखिएको छ। उनलाई बैंकिङ कसुर मुद्दामा कारबाही अघि बढाइएको छ।
२०७४ पुष २४ गते प्रकाशित
वि.सं.२०७४ पुस २४ सोमवार ११:३४ मा प्रकाशित
